Առաջին խումբ․ Սարդարապատը հաղթեց Սյունիքին՝ հռչակվելով չեմպիոն

Հայաստանի Առաջին խմբի առաջնության 29-րդ տուրում առաջատար «Սարդարապատը» ընդունել էր «Սյունիքին» ու հաղթեց 2։1 հաշվով։

23-րդ րոպեին Համլետ Մինասյանը բացեց հանդիպման հաշիվը։ 3 րոպե անց հյուրերը ստացան 11-մետրանոցի իրավունք, սակայն Սերգեյ Միքայելյանի սեյվը հաշիվը թողեց անփոփոխ։

40-րդ րոպեին Լևոն Վարդանյանը կրնկապատկեց «Սարդարապատի» առավելությունը, իսկ առաջին կեսին ավելացրած րոպեներին նախ Վարդանյանը ստանալով կարմիր քարտ հեռացվեց խաղադաշտից, իսկ Ժոաու Մենդեսը կրճատեց տարբերությունը։

Այս հաղթանակի շնորհիվ Արմավիրը ներկայացնող ակումբը վաստակեց 73 միավոր և անհասանելի դարձավ մրցակիցների համար՝ հռչակվելով չեմպիոն։

«Սյունիքը» 64 միավորով 3-րդ տեղում է։