Ալվարո Արբելոան հայտնել է Ռեալից հեռանալու մասին

Մադրիդի «Ռեալի» գլխավոր մարզիչ Ալվարո Արբելոան մրցաշրջանի վերջին խաղից առաջ կայացած մամուլի ասուլիսում հայտարարել է ակումբից հեռանալու մասին։ Նա իր երախտագիտությունն է հայտնել մադրիդյան թիմին: 

«Ես հեռանում եմ «Ռեալ Մադրիդից» անսահման երախտագիտությամբ, քանի որ խաղացողները ինձ ավելի լավ մարդ դարձրին և ստիպեցին վայելել ամեն օրս», - լրագրող Ֆաբրիցիո Ռոմանոն մեջբերել է Արբելոայի խոսքերը սոցիալական ցանցերում։

Իսպանական լրատվամիջոցների փոխանցմամբ՝ Ժոզե Մոուրինյոն կլինի «Ռեալ Մադրիդի» նոր մարզիչը։ Պորտուգալացի մարզիչը նախկինում «Ռեալ Մադրիդի» գլխավոր մարզիչն էր 2010-ից 2013 թվականներին՝ թիմի հետ նվաճելով Իսպանիայի առաջնության, Իսպանիայի գավաթի և Իսպանիայի Սուպերգավաթի չեմպիոնությունը:

Արբելոային հարցրել են՝ արդյոք կընդգրկվի՞ Մոուրինյոյի մարզչական շտաբում, եթե վերջինս գլխավորի մադրիդյան ակումբը:

«Նա ունի ֆանտաստիկ մարզչական անձնակազմ, որը լավ է աջակցում նրան։ Եթե Ժոզեն գա «Ռեալ Մադրիդ», ես հնարավորություն չեմ ունենա նրա հետ աշխատելու», - Արբելոայի խոսքերն է մեջբերում «Ռեալի» պաշտոնական կայքը։