Հայաստանում կանցկացվի UEFA Regions' Cup-ի որակավորման նախնական փուլը

Հունիսի 14-ից 20-ը Հայաստանում կանցկացվի UEFA Regions' Cup-ի 2026/27 մրցաշրջանի որակավորման նախնական փուլը։  Այս մասին հայտնում է ՀՖՖ պաշտոնական կայքը:

Նախնական փուլին մասնակցում է 3 թիմ՝ հայկական «Կիլիկիան», էստոնական «Հիյումաան» և լիտվական «Տերան»։

Առաջին հորիզոնականը զբաղեցրած թիմը կհայտնվի միջանկյալ փուլի առաջին խմբում։ Այդ խմբում են նաև Բոսնիա և Հերցեգովինան, Ուելսն ու Հյուսիսային Մակեդոնիան։ Միջանկյալ փուլում կմրցի 32 թիմ (Սան Մարինոն և Մալթան տարածաշրջանային թիմերի փոխարեն մրցաշարին մասնակցում են ազգային սիրողական հավաքականներով)։

Բոլոր հանդիպումները կկայանան 2026 թվականի օգոստոսի 21-ից դեկտեմբերի 4-ը։ Թիմերը կբաժանվեն 8 խմբի (յուրաքանչյուրում՝ 4 թիմ)։ Միայն 1-ին տեղը զբաղեցրած թիմերը կանցնեն եզրափակիչ։ Եզրափակիչը կկայանա 2027 թվականի ամռանը։