Որոշել էի դադար վերցնել, բայց հասկացա, որ կյանքը տխուր է առանց ֆուտբոլի․ Հարոյան
«Արարատի» նորեկ Վարազդատ Հարոյանը խոսել է երևանյան ակումբ տեղափոխության մասին։
«Որոշ ժամանակ մարզվել եմ, դրանից առաջ որոշել էի դադար վերցնել կարիերայումս, հետո որոշեցի միանամ «Արարատին», մարզվեմ, շատ դուրս եկավ, առաջին անգամ էի Ձորաղբյուրի մարզաբազայում։ Մեկ ամիս մարզվելուց հետո զգացի, որ ես կամաց-կամաց վերադառնում եմ ֆուտբոլ։ 10 օր առաջ զանգ ստացա Տիգրանից ու որոշեցի պայմանագիր ստորագրել «Արարատի» հետ։ Ուրախ եմ, որ պայմանագիր եմ ստորագրում «Արարատի» հետ, բոլորիս մաղթում եմ հաջողություն ու նորանոր հաղթանակներ»։
Անդրադառնալով այս փուլում մոտիվացիայի իր աղբյուրին՝ Հարոյանը նշել է՝ ինքը ուղղակի շատ է սիրում ֆուտբոլ։
«Որոշել էի դադար վերցնել, մի քիչ հանգստանալ, բայց մի քանի ամիս հետո հասկացա, որ տխուր է կյանքը առանց ֆուտբոլի։ «Արարատի» երիտասարդնե՞րը․ բոլորի մեջ էլ մեծ պոտենցիալ կա, ես էլ ամեն ինչով կփորձեմ իրենց օգնել՝ թե՛ դաշտում, թե՛ խաղադաշտից դուրս, որ իրենք հասնեն մեծ բարձունքների, խաղան մեծ առաջնություններում ու օգնեն հավաքականին»։
