Մխիթարյանը խոսել է իր ապագայի մասին՝ Ինտերի հետ պայմանագիրը երկարաձգելու լուրերի ֆոնին
«Ինտերի» կիսապաշտպան Հենրիխ Մխիթարյանը խոսել է իր ապագայի մասին՝ չբացառելով «ներաձուրիների» հետ պայմանագիրը երկարաձգելու հնարավորությունը։
«Իմ գաղափարն է ավարտել կարիերաս բարձր մակարդակով: Խաղալ «Ինտերի» և նրա նպատակների համաձայն: Սպասենք մինչև մրցաշրջանի ավարտը: Պայմանագրի երկարաձգումը մինչև 2027 թվակա՞նը. Ինչո՞ւ ոչ, բայց ամեն ինչ կախված է իմ առողջությունից և այն բանից, թե ինչ կարող եմ տալ թիմին»,- Մխիթարյանի խոսքը մեջբերում է լրագրող Ջանլուկա Դի Մարցիոյի կայքը:
Այս մրցաշրջանում Մխիթարյանը բոլոր մրցաշարերում մասնակցել է 37 հանդիպման՝ դառնալով մեկ գոլի և 4 գոլային փոխանցման հեղինակ։ Ֆուտբոլիստի ներկայիս աշխատանքային պայմանագիրն ակումբի հետ ուժի մեջ է մինչև 2026 թվականի ամառը: Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 4 միլիոն եվրո:
