Ամեն ինչ կվճռվի Ռումինիայում. Ալաշկերտը Երևանում ոչ-ոքի խաղաց ՉՖՌ Կլուժի հետ

ՈՒԵՖԱ Կոնֆերենցիաների լիգայի որակավորման երկրորդ փուլի առաջին խաղում «Ալաշկերտը» Երևանում 1:1 հաշվով ոչ-ոքի խաղաց ռումինական «ՉՖՌ Կլուժի» հետ:

Հայկական թիմը հաշվի մեջ առաջ անցավ 35-րդ րոպեին. աչքի ընկավ Ռաֆայել դե Ժեզուս Սանտանա Ֆերեյրան, որը դիպուկ եզրափակեց Կարեն Նալբանդյանի փոխանցումը։ Սակայն ընդմիջումից անմիջապես հետո՝ 46-րդ րոպեին, Անդրեշ Շֆայտը վերականգնեց հավասարակշռությունը՝ ձևակերպելով հանդիպման վերջնական հաշիվը՝ 1:1։

Մնացած ժամանակահատվածում երկու թիմերն էլ ունեցան գոլային պահեր, սակայն հաշիվն այլևս չփոխվեց։ Այդպիսով, դիմակայության հաղթողի հարցը կլուծվի պատասխան խաղում, որը կկայանա հուլիսի 30-ին Ռումինիայի Կլուժ-Նապոկայում։