Մրցավարի մասին, ինձ թվում է, ամեն ինչ ասված է․ Ռաֆայել Նազարյան (տեսանյութ)

Fastex Հայաստանի Պրեմիեր լիգայի 24-րդ տուրում «Շիրակը» Գյումրի «Քաղաքային» մարզադաշտում 1։2 հաշվով պարտվեց «Նոային»։

Խաղից հետո կայացել է «Շիրակի» գլխավոր մարզիչ Ռաֆայել Նազարյանի մամուլի ասուլիսը․ 

«Բան կա՞ ասելու։ Խաղի մասին ասեմ, մրցավարի մասին ինձ թվում է՝ ամեն ինչ ասված է։ Չեմ ուզում կրկնվել, որովհետև չեմ էլ տեսել, չեմ կարող վերջնական գնահատական տալ։ Ինչ վերաբերում է խաղին՝ մենք բավականին համբերատար էինք խաղում մի թիմի դեմ, որը շատ որակյալ է։ Ամեն դեպքում՝ մենք խաղը տանում էինք տրամաբանական ավարտին։ Ըստ իս՝ տրամաբանականը ոչ-ոքին էր»,-ասել է Ռաֆայել Նազարյանը։