Նա պատրաստ է խաղալ. Սպերցյանը Ֆակելի դեմ խաղի հայտացուցակում է

«Կրասնոդարի» և Հայաստանի ազգային հավաքականի կիսապաշտպան Էդուարդ Սպերցյանն ընդգրկվել է իր թիմի հայտացուցակում Ռուսաստանի Պրեմիեր լիգայի 22-րդ տուրի՝ «Ֆակելի» դեմ  խաղի համար:

Հանդիպումը կկայանա Կրասնոդարում և կմեկնարկի ժամը 15:00-ին։

«Կրասնոդարի» գլխավոր մարզիչ Մուրադ Մուսաևը «Матч ТВ»-ի եթերում ասել է, որ Սպերցյանը, ամենայն հավանականությամբ, խաղադաշտ դուրս կգա «Ֆակելի» դեմ խաղում։

Սպերցյանը ոտքի վնասվածք է ստացել մարտի 1-ին ՌՊԼ-ի 19-րդ տուրի՝ «Կռիլյա Սովետովի» դեմ խաղում (1:1):

- Ի՞նչ կասեք Սպերցյանի վերադարձի մասին։

- Նա պատրաստ է խաղալ: Նա արդեն մեկ շաբաթ է, ինչ մարզվում է հիմնական խմբի հետ։ Երկրորդ խաղակեսում նրան խաղադաշտում տեսնելու հավանականությունը մեծ է»,- ասել է Մուսաևը «Матч ТВ»-ի եթերում։