«Կրասնոդարի» ավագ և Հայաստանի հավաքականի կիսապաշտպան Էդուարդ Սպերցյանին FONBET Кубок России-ին տված հարցազրույցի ընթացքում առաջարկել են ընտրել ռուսական ֆուտբոլի պատմության մեջ լավագույն հայ ֆուտբոլիստին։
Առաջին փուլում Սպերցյանը պետք է ընտրություն կատարեր պաշտպան Նաիր Տիկնիզյանի և հարձակվող Էդգար Սևիկյանի միջև։ Էդուարդը նախընտրել է Տիկնիզյանին՝ նշելով, որ նա ավելի շատ հանդիպում է անցկացրել ՌՊԼ-ում։
Այնուհետև կիսապաշտպանը համեմատել է այլ հայտնի հայ ֆուտբոլիստների՝
Նրա կարծիքով, «Լոկոմոտիվի» պաշտպան Տիկնիզյանը ուժեղ է Արաս Օզբիլիսից, բայց զիջում է Մարկոս Պիզզելլիին։ «Կրասնոդարի» նախկին պլեյմեյքեր Պիզզելլին ավելի լավն է, քան Ռոման Բերեզովսկին, սակայն պարտվել է Էդգար Մանուչարյանի հետ համեմատությունում։ Մանուչարյանի և Խորեն Բայրամյանի միջև Սպերցյանը նախընտրել է վերջինիս։
Եզրափակիչ փուլում մնացել են երկու ֆուտբոլիստ՝ ինքը՝ Սպերցյանը, և հարձակվող Յուրա Մովսիսյանը։ Էդուարդը առանց տատանվելու Մովսիսյանին անվանել է ռուսական ֆուտբոլի պատմության լավագույն հայ ֆուտբոլիստը։
Այդուհանդերձ, Մովսիսյանի և Մխիթարյանի միջև Սպերցյանն ընտրել է Մխիթարյանին, այնուհետև բացատրել, թե ինչու է Մովսիսյանը լավագույն հայ խաղացողը ռուսական ֆուտբոլի պատմության մեջ:
«Նախևառաջ, նա «Կրասնոդարի» խաղացող է, Յուրան բարձրակարգ հարձակվող է։ Երբ փոքր էի, ես նրան գնդակներ էի տալիս ու հիանում նրա խաղով», — բացատրել է իր ընտրությունը «Կրասնոդարի» ավագը։
Sportmedia.am-ը սպորտային մեդիա հարթակ է, որտեղ ներկայացվում են հայկական և միջազգային սպորտի ամենակարևոր և ամենաքննարկվող իրադարձությունները։ Մենք տրամադրում ենք արագ ու վստահելի լուրեր, վերլուծություններ, հարցազրույցներ և հեղինակային բովանդակություն՝ տարբեր մարզաձևերից։
Բոլոր իրավունքները պաշտպանված են։ Մեջբերումներ կատարելիս Sportmedia.am-ին ակտիվ հղումը պարտադիր է։
Կայքը պատասխանատվություն չի կրում գովազդային նյութերի բովանդակության համար։
Կայքը պատրաստված է orf.armenyan -ի կողմից։
