Հայաստանի գավաթ․ Փյունիկը դուրս եկավ կիսաեզրափակիչ

Հայաստանի գավաթի խաղարկության քառորդ եզրափակիչի պատասխան խաղում «Փյունիկը» Շենգավիթի «Ջունիոր Սպորտ» մարզադաշտում 5։2 հաշվով հաղթեց «Լեռնային Արցախին»։

Այսպիսով, «Փյունիկը» դուրս եկավ գավաթի խաղարկության կիսաեզրափակիչ։ Դիմակայության առաջին խաղում Եղիշե Մելիքյանի գլխավորած թիմը հաղթել էր 7։2 հաշվով։

Գավաթի խաղարկության քառորդ եզրափակիչի ևս մեկ պատասխան խաղ կկայանա այսօր։ 19։00-ին կմեկնարկի «Արարատ-Արմենիա» - «Ուրարտու» խաղը։ Առաջին խաղում «Արարատ-Արմենիան» հաղթել էր նվազագույն հաշվով։

Քառորդ եզրափակիչի մյուս երկու պատասխան խաղերը կկայանան ապրիլի 2-ին։ «Վեստ Արմենիան» կընդունի «Վանին» (առաջին խաղում չարենցավանյան թիմը հաղթել էր 3։0 հաշվով), «Նոան»՝ «Գանձասարին» (առաջին խաղում «Նոան» հաղթել էր 3։0 հաշվով)։