Արարատ-Արմենիան հաղթահարեց Ուրարտուի արգելքը՝ դուրս գալով կիսաեզրափակիչ

Հայաստանի գավաթի խաղարկության քառորդ եզրափակիչում գործող գավաթակիր «Արարատ-Արմենիան» ընդունել էր «Ուրարտուին»։

Դիմակայության պատասխան խաղում «Արարատ-Արմենիան» ուժեղ էր մրցակցից։ Նախ հանդիպման հաշիվը 42-րդ րոպեին բացեց Դմիտրի Տիխին, ապա 63-րդ րոպեին Ալեքսանդր Պուցկոն դարձավ ինքնագոլի հեղինակ՝ վերականգնելով հաշվի հավասարությունը։ «Արարատ-Արմենիայի» հաղթանակն ամրագրեց Ալվին Թերան՝ հիմնական ժամանակին ավելացված 6-րդ րոպեին։

Առաջին խաղում հաղթել էին Վարդան Մինասյանի սաները՝ նվազագույն հաշվով: Այդ խաղի միակ գոլը հեղինակել էր Տենտոն Յեննեն։

Այսպիսով, «Արարատ-Արմենիան» դուրս եկավ կիսաեզրափակիչ: Ավելի վաղ կիսաեզրափակիչի ուղեգիր էր նվաճել «Փյունիկը»՝ դիմակայությունում 12։4 հաշվով առավելության հասնելով «Լեռնային Արցախի» նկատմամբ։

Վաղը կիսաեզրափակիչի մյուս ուղեգրերը կվիճարկեն «Գանձասար»-«Նոա» (0։3), «Վան»-«Վեստ Արմենիա» (3։0) զույգերը։