Ֆուտզալի Հայաստանի ազգային հավաքականը FIFA-ի դասակարգման աղյուսակի ԹՈՓ 20-ում է

FIFA-ն հրապարակել է ֆուտզալի ազգային հավաքականների դասակարգման աղյուսակը, որտեղ Հայաստանի ազգային ընտրանին բարելավել է դիրքերը 11 հորիզոնականով ու այժմ զբաղեցնում է 20-րդ տեղը։

FIFA-ն հրապարակել է ֆուտզալի ազգային հավաքականների դասակարգման աղյուսակը, որտեղ Հայաստանի ազգային ընտրանին բարելավել է դիրքերը 11 հորիզոնականով ու այժմ զբաղեցնում է 20-րդ տեղը։

Մեր ընտրանին վաստակել է 69,31 միավոր, ինչն ամենաշատն է հավաքականների շրջանում։ Թռիչքային աճով Ռաֆայել Նազարեթյանի թիմը 2-րդն է։ Այս ցուցանիշով առաջատարն Հունաստանի ընտրանին է, որը 19 տեղով առաջընթաց է գրանցել և այժմ 88-րդն է։ Սա Հունաստանի ֆուտզալի պատմության լավագույն ցուցանիշն է։

Մեր հարևաններից Վրաստանի ֆուտզալի ընտրանին 14-րդն է, Թուրքիան՝ 117-րդը, Իրանը եզրափակում է լավագույն հնգյակը, իսկ Ադրբեջանը 47-րդը։ Վերջինս նահանջի ցուցանիշով գրանցել է վատագույն արդյունքը և զիջել դիրքերը 15 հորիզոնականով։

Հիշեցնենք, որ Հայաստանի ֆուտզալի ազգային հավաքականը նվաճել էր ԵՎՐՈ 2026-ի եզրափակիչ փուլի ուղեգիր, որը կկայանա հաջորդ տարվա հունվար-փետրվար ամիսներին Լատվիայում և Լիտվայում։