Վանը հաղթեց Գանձասարին. Չարենցավանյան թիմը շարունակում է անպարտելիության շարքը

Fastex Հայաստանի Պրեմիեր լիգայի 25-րդ տուրում «Վանը» հյուրընկալել էր «Գանձասարին»։

Չնայած հանդիպման 5-րդ րոպեին Էմմանուել Ջոնն ուղիղ քարտով հեռացվեց խաղադաշտից ու իր թիմին թողեց 10 հոգով, դա չխանգարեց Չարենցավանը ներկայացնող ակումբին հաղթանակ տոնել։

Հանդիպման հաշիվը, տուգանայինից կատարած փայլուն հարվածով, բացեց Կարեն Նալբանդյանը՝ 39-րդ րոպեին։ Հիմանական ժամանակին ավելացված 5-րդ րոպեին Դավիթ Տերտերյանը մեն մնակ մնալով Գրիգորի Մաթևոսյանի դեմ՝ գրավեց վերջինիս դարպասը, դնելով հանդիպման վերջակետը։

70-րդ րոպեին «Գանձասարը» ևս մնաց 10 հոգով։ Սիմոն Օբոնդեն ստացավ 2-րդ դեղին քարտն ու հեռացվեց խաղադաշտից։

Այս հաղթանակի շնորհիվ Չարենցավանը ներկայացնող ակումբը շարունակում է անպարտելիության շարքը։ Վահե Գևորգյանի սաները բոլոր մրցաշարերում միասին 9-րդ անգամ անընդմեջ հեռանում են խաղադաշտից առանց պարտության։

Այս խաղից հետո «Վանը» 38 միավորով եզրափակում է լավագույն հնգյակը։ «Գանձասարը» 3 միավորով վերջին՝ 11-րդ տեղում է։

Հաջորդ տուրում «Վանը» կհյուրընկալվի «Շիրակին», «Գանձասարը» կընդունի «Փյունիկին»։