Ըմբշամարտի ԵԱ․ Արսեն Հարությունյանը դուրս եկավ եզրափակիչ

Բրատիսլավայում ընթացող ըմբշամարտի Եվրոպայի առաջնությունում  պայքարի մեջ մտած 61 կգ քաշային Արսեն Հարությունյանը դուրս եկավ եզրափակիչ։

Կիսաեզրափակիչում Եվրոպայի քառակի չեմպիոնը 5։2 հաշվով հաղթեց  Ալբանիայի ներկայացուցիչ Զելիմխան Աբակարովին։ 

Հիշեցնենք, որ որակավորման փուլում հայ մարզիկի մրցակիցը բուլղար Ստիլյան Իլիև Յանչևն էր, որին Հարությունյանը հաղթեց 11։0 հաշվով։

Քառորդ եզրափակիչում Եվրոպայի գործող չեմպիոնը 12։2 հաշվով ջախջախեց մոլդովացի Լեոնիդ Կոլեսնիկին։