Չի եղել այնպիսի մարդ, որ անցել է ԲԿՄԱ-ի ցուցակներով և ֆուտբոլիստ չի եղել․ Արմեն Մելիքբեկյանը՝ ԲԿՄԱ-ի միջոցով ծառայությունից խուսափելու մասին
Հայաստանի Ֆուտբոլի ֆեդերացիայի նախագահ Արմեն Մելիքբեկյանն այս րոպեներին ասուլիս է անցկացնում, որում պատասխանել է նաև ԲԿՄԱ-ի միջոցով ծառայությունից խուսափելու փորձերի մասին հարցին՝
«Էն մարդիկ, որոնք երբևէ դիտել են ԲԿՄԱ-ի խաղերը, որոնք տեսել են, թե ովքեր են խաղում ԲԿՄԱ-ում չեն կարող նման պնդումներ անել։ ԲԿՄԱ-ն բաղկացած է այն ֆուտբոլիստներից, որոնք խաղում են Հայաստանի երիտասարդական, ազգային և Մ19 հավաքականում։
ԲԿՄԱ-ի գործընթացը շատ հստակ է։ Բոլորը գիտեն, թե ակումբներից ով է գալիս ԲԿՄԱ, որոնք են այդ ֆուտբոլիստների քանակը և գեթ մեկ ոչ ֆուտբոլիստ, պատմության մեջ երբևէ չի խաղացել։ Չի եղել այնպիսի մարդ, որ անցել է ԲԿՄԱ-ի ցուցակներով և ֆուտբոլիստ չի եղել։ Ավելին ասեմ, եղել են ֆուտբոլիստներ, որոնք ընդգրկվել են ԲԿՄԱ-ի կազմում, բայց քանի որ, ընթացքում չեն համապատասխանել ԲԿՄԱ-ի մարզիչների պահանջներին, ուղարկվել են զորամասեր ծառայության»։
