Ըմբշամարտի ԵԱ․ Հայտնի են հայ հունահռոմեականների մրցակիցները

Բրատիսլավայում ընթացող ըմբշամարտի Եվրոպայի առաջնությունում վաղը գորգ դուրս կգան հունահռոմեականները։ Հայտնի են ձևավորված զույգերը։

55 կգ քաշային Մանվել Խաչատրյանը քառորդ եզրափակիչում կմրցի թուրք Էմրե Մութլուի հետ։

Կարապետ Մանվելյանը, 60 կգ քաշային կարգում, ուժերը կչափի Լեհաստանի ներկայացուցիչ Օլիվիեր Թոմաս Սկրիպչակի հետ։

63 կգ քաշային Կարեն Ասլանյանը պայքարը կսկսի քառորդ եզրափակիչում և կմրցի Մաիրբեկ Սալիմով (Լեհաստան)-Դինիսլամ Բամմատով (հանդես է գալիս UWW-ի դրոշի ներքո) զույգի հաղթողի հետ։

67 կգ քաշային կարգում Սլավիկ Գալստյանը, 1/8 եզրափակիչում կմրցի ուկրաինացի Օլեքսանդր Հրուշինի հետ։

Պայքարը որակավորման փուլից կսկսի 72 կգ քաշային Շանթ Խաչատրյանը, որտեղ նրա մրցակիցը ուկրաինացի Պարվիզ Նասիբովն է։

Եվրոպայի գործող չեմպիոն, 77 կգ քաշային կարգի մարզիկ Մալխաս Ամոյանը 1/8 եզրափակիչում կփորձի պայքարից դուրս թողնել լեհ Մաթեուշ Բեռնատեկին։

82 կգ քաշային կարգում Հայաստանի ներկայացուցիչ Սամվել Գրիգորյանը կառճակատվի ադրբեջանցի Գուրբան Գուրբանովի հետ՝ 1/8 եզրափակիչում։

Նույն փուլից պայքարը կսկսի նաև 87 կգ քաշային Կարեն Խաչատրյանը, որի մրցակիցը բուլղար Սեմյոն Նովիկովն է։

Եվրոպայի գործող չեմպիոն, Օլիմպիական խաղերի ոսկե, բրոնզե ու կրկնակի արծաթե մեդալակիր, աշխարհի քառակի չեմպիոն Արթուր Ալեքսանյանը 1/8 եզրափակիչում կհանդիպի Էստոնիայի ներկայացուցիչ Ռիչարդ Կառելսոնի հետ։։

130 կգ քաշային կարգում Հայաստանը ներկայացնող Դավիթ Օվասապյանը որակավորման փուլում կհանդիպի թուրք Մուհամեդ Համզա Բաքիրին։

Վաղը ելույթները կսկսեն 55 կգ, 63 կգ, 77 կգ, 87 կգ, 130 կգ քաշային ըմբիշները։