Ալեքսանյանն ու Գալստյանը հաղթանակով մեկնարկեցին (տեսանյութ)

Բրատիսլավայում ընթացող ըմբշամարտի Եվրոպայի առաջնությունում պայքարի մեջ մտան հունահռոմեական ոճի ըմբիշները։

60 կգ քաշային Կարապետ Մանվելյանը մեկնարկային գոտեմարտում 4։8 հաշվով զիջեց լեհ Օլիվիեր Սկրիպչակին։

67 կգ քաշային Սլավիկ Գալստյանը մեկնարկային գոտեմարտում 9։0 հաշվով ժամանակից շուտ հաղթանակի հասավ ուկրաինացի Օլեքսանդր Հրուշինի նկատմամբ ու քառորդ եզրափակիչում կմրցի թուրք Մուրադ Ֆիրատի հետ։

72 կգ քաշային Շանթ Խաչատրյանը մեկնարկում 6։10 հաշվով զիջեց Ուկրաինայի ներկայացուցիչ Պարվիզ Նասիբովին։

82 կգ քաշային Սամվել Գրիգորյանը 1/8 եզրափակիչում 1։3 հաշվով զիջեց ադրբեջանցի Գուրբան Գուրբանովին։

97 կգ քաշային Արթուր Ալեքսանյանը 5։1 հաշվով առավելության հասավ Էստոնիայի ներկայացուցիչ Ռիչարդ Կարելսոնի նկատմամբ ու 1/4 եզրափակիչում կմրցի Իտալան ներկայացնող վրացի ըմբիշ Նիկոլոզ Կախելաշվիլի հետ։

Տեսանյութը՝ այստեղ։