Փյունիկն ինքնագոլից հետո կամային հաղթանակ տարավ Գանձասարի նկատմամբ

ՀՊԼ հերթական տուրում «Փյունիկը» Ջունիո Սպորտ մարզադաշտում հյուրընկալվել է «Գանձասարին» և 3։1 հաշվով  հաղթանակ է տարել մրցակցի նկատմամբ։

Հանդիպման հաշիվը բացվել է 27-րդ րոպեին, երբ հյուրերի կազմում Սերգեյ Վակուլենկոն գրավել է սեփական դարպասը։ Ֆուտբոլիստը տևական ժամանակ ապաքինվում էր վնասվածքից։

 «Փյունիկի» ֆուտբոլիստները հաշիվը հավասարեցրել են միայն երկրորդ կեսում․ 66-րդ րոպեին Օտուբանջոն խփել է պատասխան գնդակը, երկու րոպե անց Ժոել Լոպեսուն առաջ է մղել իր թիմին, իսկ հանդիպման վերջնահաշիվը ձևակերպել է Մաթիաս Վարեյկան՝ 90+8-րդ րոպեին հեռու տարածությունից գրավելով անպաշտպան մնացած դարպասը։

Եղիշե Մելիքյանի թիմն իր միավորների թիվը հասցրել է 47-ի և գտնվում է 4-րդ տեղում, իսկ «Գանձասարը» ընթացիկ առաջնությունում կրել է 19-րդ պարտությունը և 3 միավորով եզրափակում է աղյուսակը։