Թեժ պայքար՝ բռնցքամարտի Հայաստանի առաջնությունում (լուսանկարներ)

Դինամո ՄՀԿ-ում կայացել են բռնցքամարտի Հայաստանի առաջնության եզրափակիչ մենամարտերը։ Կանանց 5 և տղամարդկանց 13 քաշային կարգերում հայտնի են Հայաստանի չեմպիոններն ու մեդալակիրները։ 

Կանանց 52 կգ քաշային կարգում չեմպիոնի կոչումը նվաճեց Արևիկ Դոխոյանը։

54 կգ քաշային կարգում հավասարը չուներ Եկատերինա Սիչևան։

57 կգ քաշային կարգում ոսկե մեդալակիր դարձավ Տաթևիկ Խաչատրյանը։ 

60 կգ քաշային կարգի առաջին տեղը գրավեց Լիանա Մարտիրոսյանը։

70 կգ քաշային կարգում Անի Հովսեփյանի չներկայանալու պատճառով հաղթանակը շնորհվեց Անահիտ Միքայելյանին։

Տղամարդկանց պայքարում ամեն ինչ ավելի թեժ էր։

48 կգ քաշային կարգի եզրափակիչում հաղթանակ տարավ 35-ամյա Բարեղամ Հարությունյանը, որը առավելության հասավ Սեյրան Վարդանյանի նկատմամբ։

51 կգ քաշային կարգում Արեն Ասլամազյանն առավելության հասավ Հմայակ Հովհաննիսյանի նկատմամբ։

54 կգ քաշային կարգում Դավիթ Եգորյանը հաղթեց Հայկ Ալարբեկյանին։

57 կգ քաշային կարգում Ժիրայր Սարգսյանը հաղթեց Ռուսլան Ասլիկյանին։

60 կգ քաշային կարգում Արթուր Բազեյանն ուժեղ էր Արթուր Սահակյանից։

63,5 կգ քաշային կարգում Նարեկ Հովհաննիսյանը հաղթանակի հասավ Արթուր Շախպազյանի նկատմամբ։

  67 կգ քաշային կարգում Արարատ Հարությունյանը լարված ու դիտարժան պայքարում հաղթեց Հարություն Հակոբկոխյանին։

71 կգ քաշային կարգում Զավեն Գալստյանը հաղթեց Յուրա Բաբլումյանին։

75 կգ քաշային կարգում Վախթանգ Հարությունյանը ուժեղ էր Աղվան Ալեքսանյանից։

80 կգ քաշային Համլետ Ադամյանը հաղթեց Համբարձում Հակոբյանին։

86 կգ քաշային Ռաֆայել Հարությունյանը առավելության հասավ Գոռ Ներսեսյանի նկատմամբ։

92 կգ քաշային կարգում Դավիթ Սիմոնյանը հաղթեց Անուշավան Մխիթարյանին։

Գերծանր քաշային կարգում Դավիթ Չալոյանը հաղթանակի հասավ Իշխան Հովսեփյանի նկատմամբ։