Օրը կգա և բոլորը կիմանան ճիշտը․ Մխիթարյանը խոսել է հավաքական հնարավոր վերադարձի մասին

Հայաստանի ազգային հավաքականում կարիերան ավարտած Հենրիխ Մխիթարյանը «Ազատության» հետ զրույցում խոսել է հավաքական հնարավոր վերադարձի մասին․

«Արդեն երեք տարուց ավելի է, ինչ հավաքականում չեմ խաղում ու չգիտեմ ներքին խոհանոցը։ Չգիտեմ, թե ինչն է անհաջողությունների պատճառը։ Միայն հաջողություն կարող եմ մաղթել տղաներին, որ անեն առավելագույնը այս իրավիճակից դուրս գալու համար։ Իհարկե, հեշտ չէ, բայց առաջին անգամ չէ, որ այդ իրավիճակում ենք։ Եղել են նման պահեր, պետք է աշխատել և աշխատել, փորձել հավատալ ուժերին և գնալ առաջ»,-ասել է Մխիթարյանը։

Հարցին, թե կդիտարկի Մխիթարյանն իր վերադարձը հավաքական, եթե փոխվի ֆեդերացիայի ղեկավար կազմը, «Ինտերի» կիսապաշտպանը նշել է․

«Եկեք չխոսենք այդ թեմայի մասին, օրը կգա և բոլորը կիմանան ճիշտը։ Կարող եմ ասել, որ ես կայացրել եմ այդ որոշումն իմ զգացմունքներից ելնելով։ Ոչ մեկ ինձ չի ստիպել, ոչինչ չի եղել, ուղղակի այդ պահին այդպես եմ որոշել և այս պահին որոշումս փոխելու մտադրություն չունեմ։ Չեմ վերադառնա հավաքական»,-ասել է Մխիթարյանը։