Հայաստանի գավաթ․ Արարատ-Արմենիան ուժեղ էր Փյունիկից

Հայաստանի գավաթի խաղարկության կիսաեզրափակիչի առաջին խաղում «Արարատ-Արմենիան» հյուրընկալվել էր «Փյունիկին»։

Վարդան Մինասյանի սաները հաղթեցին 2 գնդակի առավելությամբ։ Նախ խաղի հաշիվը բացեց Էրիկ Օկանսին՝ 51-րդ րոպեին, ապա 80-րդ րոպեին 11-մետրանոցը դիպուկ իրացրեց ու իր թիմի առավելությունը կրկնապատկեց Մարիուս Նուբիսին։ «Փյունիկը» 33-րդ րոպեից խաղում էր 10 ֆուտբոլիստով։ Խաղադաշտից հեռացվել էր Սանի Բուհարին։

Թիմերի միջև պատասխան հանդիպումը տեղի կունենա ապրիլի 29-ին։

Հիշեցնենք, որ կիսաեզրափակիչի մյուս զույգը կազմել են «Նոան» ու «Վանը»։ Թիմերի միջև առաջին հանդիպումը տեղի կունենա վաղը՝ 18։30-ին։