Էդգար Թորոսյանը հեռացվել է Ալաշկերտի գլխավոր մարզչի պաշտոնից

Fastex Հայաստանի Պրեմիեր լիգայի 27-րդ տուրի «Արարատ»-«Ալաշկերտ» (3։2) հանդիպումից հետո երևանյան ակումբի մամուլի ծառայությունը հայտարարություն է տարածել, որում նշվում է՝

«Թիմի գլխավոր մարզիչ Էդգար Թորոսյանը հեռացվել է զբաղեցրած պաշտոնից»։ 

Ըստ հայտարարության,գլխավոր մարզչի պարտականությունները կկատարի գլխավոր մարզչի օգնական Ալբերտ Սաֆարյանը։

Հիշեցնենք, որ Թորոսյանն «Ալաշկերտի» նախկին գլխավոր մարզիչ Աբրահամ Խաշմանյանի օգնականն էր, իսկ այս տարվա փետրվարին, պաշտոնապես ստանձնեց գլխավոր մարզչի պարտականությունները։

Նրա գլխավորությամբ «Ալաշկերտն» անցկացրել էր 8 պաշտոնական հանդիպում՝ գրանցելով 4 ոչ-ոքի ու կրելով 4 պարտություն։

Թորոսյանը նախկինում աշխատել է «Արարատում» ու «Շիրակում»։