Հոկեյի Հայաստանի ազգային հավաքականը ջախջախեց Ինդոնեզիային՝ ավարտելով մրցելույթներն աշխարհի առաջնությունում

Երևանում ավարտին է մոտենում տափօղակով հոկեյի 4-րդ դիվիզիոնի աշխարհի առաջնությունը։

Վերջին՝ 5-րդ տուրում Հայաստանի ընտրանին մրցում էր Ինդոնեզիայի ընտրանու հետ ու հաղթեց 14։1 հաշվով։

Հիշեցնենք, որ խմբում Ինդոնեզիայի ընտրանուց բացի ընդրգկված են նաև Մալայզիայի, Ուզբեկստանի, Քուվեյթի ու Իրանի հավաքականները։

1-ին տուրում Հայաստանի ընտրանին տոնել էր պատմության ամենախոշոր հաշվով հաղթանակը, 2-րդ տուրում բուլիտներով առավելության էր հասել Ուզբեկստանի նկատմամբ, 3-րդ տուրում զիջել Քուվեյթի ընտրանուն, իսկ 4-րդ տուրում պարտության մատնել Իրանի հավաքականին։

Այսպիսով, Հոկեյի Հայաստանի ազգային հավաքականն ավարտում է մրցելույթները Աշխարհի 4-րդ դիվիզիոնի առաջնությունում՝ զբաղեցնելով 2-րդ հորիզոնականը։ Մրցաշարի հաղթողի կոչմանն արժանանում է Ուզբեկստանի հավաքականը։

Մրցաշարի վերջին՝ Իրան-Քուվեյթ հանդիպումից հետո, որը կմեկնարկի 20։00-ին, տեղի կունենա պարգևատրման արարողությունը։