Քիշնևում ընթացող ծանրամարտի Եվրոպայի առաջնությունում պայքարի դուրս եկան 96 կգ քաշային տղամարդիկ։
Այս քաշային կարգում Հայաստանը ներկայացնում էր Դավիթ Հովհաննիսյանը։ Հայ ծանրորդը նվաճեց Եվրոպայի բրոնզե մեդալ։ Հովհաննիսյանն իր հավաքածուին ավելացրեց նաև 2 փոքր բրոնզե մեդալ՝ պոկում ու հրում վարժություններում։ Հայ մարզիկը գրանցեց 173 կգ՝ պոկումում, 203՝ հրումում, 376կգ՝ երկամարտում։
Եվրոպայի չեմպիոն հռչակվեց բուլղարացի Կառլոս Նազար Մայը։ 20-ամյա ծանրորդի համար այս քաշային կարգը նոր էր։ Նախկինում Նասարը հանդես էր գալիս 89 կգ քաշային կարգում, որտեղ դարձել էր Եվրոպայի, Աշխարհի ու Օլիմպիական չեմպիոն։
Բուլղարացի ծանրորդը գրանցեց 188+229=417 արդյունքը՝ թարմացնելով պոկում վարժության ու երկամարտի աշխարհի ռեկորդներն ու բոլոր վարժություններում՝ Եվրոպայի ռեկորդները։
Վաղը Հայաստանը կունենա 6 ներկայացուցիչ։ Նրանց ելույթներն ուղիղ լուսաբանմամբ՝ մեր տելեգրամյան ալիքում։ Մեր ծանրորդների ելույթների ժամանակացույցին ծանոթացեք այստեղ։
