Ծանրամարտի ԵԱ․ Հայաստանն այսօր ունի 6 ներկայացուցիչ

Մոլդովայի մայրաքաղաք Քիշնևում ընթացող ծանրամարտի Եվրոպայի առաջնությունում այսօր Հայաստանը կունենա 6 ներկայացուցիչ։

Տղամարդկանց պայքարում մրցահարթակ դուրս կգան Սիմոն Մարտիրոսյանը (109 կգ), Գարիկ Կարապետյանը (109 կգ), Արա Աղանյանը (102 կգ) եւ Պետրոս Պետրոսյանը (102 կգ): Կանանց պայքարում մրցահարթակ դուրս կգան Տաթև Հակոբյանը (87 կգ) և Լիանա Գյուրջյանը (87 կգ):

Արա Աղանյանը եւ Պետրոս Պետրոսյանը հարթակ դուրս կգան առաջին մրցահերթում, որը կմեկնարկի Երեւանի ժամանակով 15:00-ին:

 109 կգ քաշայինների պայքարը, որտեղ Հայաստանը ներկայացնում են Գարիկ Կարապետյանն ու Սիմոն Մարտիրոսյանը, պայքարը կսկսեն Երեւանի ժամանակով 18:00-ին, Իսկ 21։00-ից պայքարի մեջ կմտնեն Տաթև Հակոբյանն ու  Լիանա Գյուրջյանը: