Ինտերը պարտվել է Ռոմային, Մխիթարյանը չի մասնակցել խաղին

Իտալիայի առաջնության 34-րդ տուրում «Ռոման» ընդունել է «Ինտերին»։ Հանդիպումը տեղի է ունեցել Միլանի «Սան Սիրո» (Ջուզեպպե Մեացա) մարզադաշտում և ավրատվել է հյուրերի՝ 1:0 հաշվով հաղթանակով:

Հանդիպման միակ գնդակը 22-րդ րոպեին հեղինակել է «Ռոմայի» եզրային հարձակվող Մատիաս Սոուլեն:

Հայաստանի հավաքականի նախկին ավագ Հենրիխ Մխիթարյանը դեղին քարտերի կուտակման պատճառով որակազրկվել է և չի մասնակցել այս խաղին:

«Ռոման» վաստակած միավորների քանակը հասցրել է 60-ի և բարձրացել է Ա Սերիայի մրցաշարային աղյուսակի հինգերորդ հորիզոնականը, մինչդեռ «Ինտերը» 71 միավորով նահանջել է երկրորդ տեղը: Մրցաշարային աղյուսակը գլխավորում է «Նապոլին», որը երեկ հաղթել է «Տորինոյին» և իր միավորների թիվը հասցրել է 74-ի: