Ռեալ Սոսյեդադում հայտնել են, որ Զախարյանը դեռ կարող է խաղալ այս մրցաշրջանում

«Ռեալ Սոսիեդադի» մամուլի քարտուղար Ջոն Անդեր Մունդուատեն խոսել է թիմի հայ կիսապաշտպան Արսեն Զախարյանի վերականգնման ընթացքի մասին։

21-ամյա կիսապաշտպանը շարքից դուրս է մնացել փետրվարի 23-ից՝ քառագլուխ մկանի վնասվածքի կրկնության պատճառով։ Ավելի վաղ հաղորդվում էր, որ Զախարյանը կարող է բաց թողնել մրցաշրջանի մնացած հատվածը։

«Արսենը սկսել է մարզվել խաղադաշտում, մինչդեռ աշխատում է մենակ։ Նա իրեն ամեն օր ավելի լավ է զգում։

Վերականգնում Ռուսաստանո՞ւմ. Սա բացառված է. Զախարյանը կմնա այստեղ, քանի որ նա կարող է լիովին պատրաստ լինել մրցաշրջանի վերջին շաբաթվան», - ասել է Մունդուատեն Sport24-ի թղթակցի հետ զրույցում։

Այս մրցաշրջանում Զախարյանը «Ռեալ Սոսյեդադի» կազմում բոլոր մրցաշարերում անցկացրած 4 խաղում խփել է 1 գոլ և կատարել 1 գոլային փոխանցում։