Երվանդ Մկրտչյանը ոսկե, Գոռ Հովակիմյանը՝ արծաթե մեդալակիր

Իրանի Մաշադ քաղաքում անցկացված աթլետիկայի միջազգային խոշոր մրցաշարում Հայաստանը ներկայացրել են վազորդ՝ Երվանդ Մկրտչյանն ու ցատկորդ Գոռ Հովակիմյանը։

Մկրտչյանը մրցումային առաջին օրը 1500մ վազքում գրանցել է 3։48,17 ցուցանիշը՝ նվաճելով ոսկե մեդալ։ 2-րդ օրը Հայաստանի ներկայացուցիչը 5000մ վազքուղին հաղթահարել է 14։40,12 րոպեում՝ կանգնելով պատվոհարթակի 2-րդ աստիճանին։

Գոռ Հովակիմյանը եռացատկում գրանցել է 5մ72սմ, հեռացատկում՝ 7մ41սմ։ Հովակիմյանն արժանացել է 2 արծաթե մեդալի։

Հիշեցնենք, որ առաջիկայում կանցկացվի Հայաստանի առաջնությունը և Գառնիկ Ղուկասյանի ավանդական հուշամրցաշարը։ Այս մրցումների արդյունքում կձևավորվի հավաքականը, որն էլ կներկայացնի Հայաստանը հունիսի 24-25-ը՝ Սլովենիայի Մարիբոր քաղաքում նախատեսված Եվրոպայի թիմային առաջնությանը։