Թեժ հանդիպումը կայացավ․ Վանը հաղթեց Նոային․ Եզրափակիչ դուրս եկավ երևանյան թիմը

Հայաստանի գավաթի խաղարկության կիսաեզրափակիչի պատասխան խաղում «Վանն» ընդունել էր «Նոային» ու հաղթեց նվազագույն հաշվով՝ Լևոն Վարդանյանի 86-րդ րոպեին խփած գոլի շնորհիվ։

Դիմակայության առաջին խաղում «Նոան» հաղթել էր 2։0 հաշվով ու դրա շնորհիվ դուրս եկավ Հայաստանի գավաթի խաղարկության եզրափակիչ, որտեղ կմրցի «Արարատ-Արմենիայի» դեմ։

Այսպիսով, «Վանն» ընդհատեց «Նոայի» պաշտոնական խաղերում անպարտելիության 13-խաղյա շարքը, ընդ որում, դրանք բաղկացած էին միայն հաղթանակներից։ Ռուի Մոտայի գլխավորած թիմը վերջին անգամ պարտվել էր նախորդ տարվա դեկտեմբերի 20-ին՝ Կոնֆերենցիաների լիգայի լիգայի փուլի 6-րդ տուրի «Բաչկա-Տոպոլայի» (4:3) դեմ արտագնա խաղում։

Հիշեցնենք, որ առաջին խաղում «Վանի» պարտությունից հետո Չարենցավանը ներկայացնող ակումբի գլխավոր մարզիչ Վահե Գևորգյանը հետխաղային մամուլի ասուլիսի ընթացքում նշել էր, որ պատասխան խաղում թեժ պայքար է խոստանում «Նոային»։