Խելահեղ խաղ էր․ Մխիթարյանը՝ Բարսելոնայի դեմ ՉԼ կիսաեզրափակչի մասին

«Ինտերի» կիսապաշտպան Հենրիխ Մխիթարյանը խոսել է ՈՒԵՖԱ-ի Չեմպիոնների լիգայի կիսաեզրափակչի առաջին խաղի մասին, որում իր թիմը խոշոր հաշվով ոչ-ոքի է խաղացել «Բարսելոնայի» հետ (3:3): 

«Խելահեղ խաղ էր։ Այն դիտելը հիանալի էր, բայց դրանում խաղալը շատ դժվար էր։ Մենք արեցինք այն ամենը, ինչ կարող էինք։ Կարծում եմ՝ կարող էինք ավելի լավ խաղալ։ Առաջին խաղակեսում մենք այնքան երկար էինք առաջատարի դերում, որ չի կարելի ասել՝ կարծում ենք, թե արդեն հաղթել ենք։ «Բարսելոնան» մեծ ճնշում գործադրեց մեզ վրա։ Նրանք շատ լավ էին վերահսկում գնդակը», - TNT Sports-ին տված հարցազրույցում ասել է Մխիթարյանը։

Կիսաեզրափակչի պատասխան խաղը կկայանա Միլանում։ Խաղը նախատեսված է երեքշաբթի՝ մայիսի 6-ին։ Դիմակայության հաղթողը մրցաշարի եզրափակչում կխաղա ՊՍԺ-«Արսենալ» զույգի հաղթողի հետ։