Վահան Բիչախչյանը՝ Լեհաստանի գավաթակիր․ «Լեգիան» հաղթեց «Պոգոնին»

Լեհաստանի գավաթի խաղարկության եզրափակիչում «Պոգոնը» մրցում էր «Լեգիայի» հետ, որի կազմում հանդես է գալիս Հայաստանի ազգային հավաքականի ֆուտբոլիստ Վահան Բիչախչյանը։

25-ամյա կիսապաշտպանը խաղադաշտ դուրս եկավ 83-րդ րոպեին, իսկ «Լեգիան»հաղթեց 4։3 հաշվով՝ նվաճելով Լեհաստանի գավաթը։

Հետաքրքական է այն փաստը, որը Վահանը մրցաշրջանը սկսել էր «Պոգոնի» կազմում ու գավաթի խաղարկության վաղ փուլերում, այդ թիմի կազմում, աչքի էր ընկել 2 գոլով՝ գրավելով «Ստալի» ու «Զագլեմբեի» դարպասը։ Ստացվում է այնպես, որ ցանկացած թիմի հաղթանակի դեպքում Բիչախչյանը կստանար հաղթողի մեդալը։

Հիշեցնենք, որ հայ ֆուտբոլիստը «Լեգիայի» շարքերը համալրել էր այս տարվա հունվարին։ Վարշավան ներկայացնող ակումբի կազմում Բիչախչյանը դարձել է 1 գոլային փոխանցման հեղինակ։