Նարեկ Մկրտչյանը պոկումում 4-րդն էր, բայց ձախողեց հրումը

Պերուի մայրաքաղաք Լիմայում շարունակվում է պատանիների ու երիտասարդների ծանրամարտի աշխարհի առաջնությունը։

Հայաստանի ներկայացուցիչ, 81 կգ քաշային Նարեկ Մկրտչյանը պոկում վարժությունում գրանցելով 153 կգ արդյունք՝ 4-րդն էր, բայց երիտասարդ ծանրորդը ձախողեց հրումի բոլոր մոտեցումները՝ չունենալով երկամարտի արդյունք։

Այսօր պատանիներից պայքարի մեջ կմտնի 96 կգ քաշային Գրիգոր Ղազարյանը։ Մեկնարկը՝ 22։30, իսկ կեսգիշերն անց, 01։00-ին՝ երիտասարդների ոսկու համար կպայքարի 89 կգ քաշային Վալերի Մովսիսյանը։

Հիշեցնենք, որ ավելի վաղ, Աշխարհի երիտասարդների բրոնզե մեդալակիր էր դարձել Ալեքսանդրա Գրիգորյանը, որը փոքր ոսկի էր նվաճել հրումում։

Լուսանկարը՝ Հայաստանի Ծանրամարտի Ֆեդերացիայի։