UFC-ի թեթև քաշային կարգի դասակարգման առաջատար Արման Ծառուկյանը Դուբայում ընթացող Karate Combat 54 մրցաշարում գրեփլինգի գոտեմարտ անցկացրեց՝ հաղթելով մրցավարների միաձայն որոշմամբ:
Ծառուկյանի մրցակիցը, ազգությամբ դաղստանցի Մագոմեդ Զայնուկովն էր, որը UFC-ի թեթև քաշային կարգի չեմպիոն Իսլամ Մախաչևի թիմակիցն է ու մենամարտեր է անցկացնում PFL-ում։
Հիշեցնենք, որ UFC-ի թեթև քաշային կարգի չեմպիոնի կոչման համար, այս տարվա սկզբին, պետք է մենամարտեին Ծառուկյանն ու Մախաչևը, սակայն հայ մարզիկը, մարտից ժամեր առաջ տեղեկացրեց վնասվածքի մասին ու մենամարտը չկայացավ:
