Fastex Հայաստանի Պրեմիեր լիգայի 30-րդ տուրում «Վեստ Արմենիան» մրցելու էր «Արարատ-Արմենիայի» դեմ, բայց հանդիպումը չկայացավ։
Մինչ այս, հայտարարությամբ է հանդես եկել «Արարատ-Արմենիայի» մամուլի ծառայությունը, որը նշում է, որ հանդիպումը չկայացավ մրցակցի՝ խաղին չներկայանալու պատճառով։
Չներկայանալու պատճառն էլ «Վեստ Արմենիայում» կուտակված խնդիրներն են։ Օրեր առաջ, տեղեկացրել էինք, որ ակումբը լուծարման եզրին է։
Եթե «Վեստ Արմենիային» գրանցվի տեխնիկական պարտություն, դա կլինի 3-րդը՝ այս մրցաշրջանում։
1-ին տեխնիկական պարտությունը գրանցվել էր 7-րդ տուրում «Ուրարտուի» դեմ խաղում 31․09 կետի պահանջը, որն է խաղադաշտում միաժամանակ ունենալ ՀՀ-ում մարզված կամ Հայաստանի ազգային/տարբեր տարիքային հավաքականների անդամ առնվազն 3 ֆուտբոլիստ, չկատարելու, իսկ 2-րդը՝ 17-րդ տուրի «Փյունիկի» դեմ հանդիպմանը չներկայանալու պատճառով։
Հիշեցնենք, որ ավելի վաղ ևս հայտնի էր «Վեստ Արմենիայի» ֆինանսական խնդիրների մասին։ Թիմի ֆուտբոլիստները հրաժարվում էին դուրս գալ խաղադաշտ՝ խաղերին մասնակցելու, քանի որ աշխատավարձ չէին ստանում։
