Վանը հաղթեց Գանձասարին

Fastex Հայաստանի Պրեմիեր լիգայի 20-րդ տուրից հետաձգված խաղում «Վանը» հյուրընկալվել էր «Գանձասարին» ու հաղթեց 2։1 հաշվով։

Խաղի հաշիվը 17-րդ րոպեին բացեց Ուսման Աջիբոնան։ 35-րդ րոպեին Ուսման Ֆայեն վերականգնեց հաշվի հավասարությունը, բայց 4 րոպե անց Կաջալլի Դրամմեն հաղթանակ պարգևեց «Վանին»։

Այս հաղթանակից հետո Վահե Գևորգյանի գլխավորած թիմը 46 միավորով եզրափակում է լավագույն հնգյակը։ «Գանձասարը» 3 միավորով վերջին՝ 11-րդ հորիզոնականում է։