Գիտենք՝ ինչպես գտնել մրցակցին հաղթելու ճանապարհը. Չանչարևիչը՝ գավաթի եզրափակչի մասին
Վ. Սարգսյանի անվան «Հանրապետական» մարզադաշտում այսօր կկայանա Հայաստանի գավաթի եզրափակիչ «Նոա»-«Արարատ-Արմենիա» հանդիպումը։
Մինչ այդ կայացել է երկու թիմերի գլխավոր մարզիչների և ֆուտբոլիստների նախախաղային ասուլիսը:
«Մենք գիտենք, որ Գավաթը ամբողջովին այլ է, իսկ եզրափակիչը՝ ընդամենը 90 րոպե կամ ավելացված ժամանակով։ Մեր և «Արարատ-Արմենիայի» կողմից խաղին կլինի ամբողջովին այլ մոտեցում։ Բայց լավ է, որ նախորդ 2 խաղերի արդյունքով մենք գիտենք՝ ինչպես գտնել մրցակցին հաղթելու ճանապարհը»,- «Նոայի» դարպասապահ Օգնեն Չանչարևիչի խոսքերն է փոխանցում ակումբի մամուլի քարտուղարությունը:
