Ցանկանում եմ, որ մեր երկրպագուներն օգնեն մեզ հասնել ևս մեկ նպատակի. Մոտա
Վ. Սարգսյանի անվան «Հանրապետական» մարզադաշտում այսօր կկայանա Հայաստանի գավաթի եզրափակիչ «Նոա»-«Արարատ-Արմենիա» հանդիպումը։
Մինչ այդ կայացել է երկու թիմերի գլխավոր մարզիչների և ֆուտբոլիստների նախախաղային ասուլիսը
«Իհարկե, բոլորն արդեն ամբողջությամբ կենտրոնացած են վաղվա խաղի վրա։ Բոլորը գիտեն, որ մենք ուզում ենք հաղթել։ Սա եզրափակիչ է։ Եզրափակիչները շատ յուրահատուկ են: Կարծում եմ՝ վաղվա խաղը շատ բարդ է լինելու երկու կողմերի համար էլ:
Ինչպես գիտեք, մենք միշտ խաղում ենք 12 խաղացողով, այնպես որ վաղը ես ցանկանում եմ, որ մեր երկրպագուները գան, գեղեցիկ մթնոլորտ ստեղծեն «Հանրապետական» մարզադաշտում և օգնեն մեզ հասնել ևս մեկ նպատակի»,- ասել է «Նոայի» գլխավոր մարզիչ Ռուի Մոտան:
