Խաչանովը չկարողացավ դուրս գալ Հռոմի Մասթերսի քառորդ եզրափակիչ՝ զիջելով Ալկարասին

Ռուսաստանը ներկայացնող հայ թենիսիստ Կարեն Խաչանովը պարտվել է աշխարհի երրորդ ռակետ, իսպանացի Կառլոս Ալկարասին՝ Թենիսի պրոֆեսիոնալների ասոցիացիայի (ATP) «Մասթերս» մրցաշարի չորրորդ շրջանի խաղում, որի մրցանակային ֆոնդը գերազանցում է 8 միլիոն եվրոն։

Թենիսիստները կորտում անցկացրել են 2 ժամ 30 րոպե։ Խաղն ավարտվել է 6:3, 3:6, 7:5 հաշվով՝ հօգուտ Ալկարասի:

Խաչանովը ATP վարկանիշային աղյուսակում զբաղեցնում է 24-րդ հորիզոնականը։ Ալկարասը և Խաչանովը հանդիպել են հինգ անգամ։ Նախկինում ևս Խաչանովը ոչ մի անգամ չի հաղթել իսպանացի մրցակցին:

Քառորդ եզրափակչում Ալկարասը կխաղա բրիտանացի Ջեք Դրեյփերի դեմ, ով այս շաբաթ իր նորամուտը նշեց աշխարհի լավագույնների հնգյակում։ Այսօր նա հաղթել է ֆրանսիացի Կորենտեն Մուտեին։

Մրցաշարը կավարտվի մայիսի 18-ին։ Անցյալ տարի մրցաշարի հաղթող էր ճանաչվել գերմանացի թենիսիստ Ալեքսանդր Զվերևը։