Այսօր կիմանանք Հայաստանի նորընծա գավաթակրի անունը։ Պատվավոր մրցանակին տիրանալու համար կմրցեն Հայաստանի Պրեմիեր լիգայի արդեն նորընծա չեմպիոն «Նոան» ու գործող գավաթակիր «Արարատ-Արմենիան»։
Մինչ այդ ՀՖՖ մամուլի քարտուղարությունը ներկայացրել է Հայաստանի գավաթի մրցաշարերի ամենատիտղոսակիր ֆուտբոլիստներին:
«Փյունիկի» նախկին ֆուտբոլիստներ Արթուր Յուսպաշյանը, Կամո Հովհաննիսյանը և Դավիթ Մանոյանը գավաթի մրցաշարերի ամենատիտղոսակիր խաղացողներն են՝ 6-ական տիտղոսով: Ընդ որում՝ Հովհաննիսյանն այսօր կարող է դառնալ բացարձակ ռեկորդակիր այս ցուցանիշով, եթե «Արարատ-Արմենիան» կարողանա երկրորդ տարին անընդմեջ դառնալ Հայաստանի գավաթակիր: 
«Նոայի» և «Արարատ-Արմենիայի» միջև ընթացիկ խաղարկության եզրափակիչ հանդիպումը կկայանա Վ. Սարգսյանի անվան «Հանրապետական» մարզադաշտում և կմեկնարկի ժամը 19:00-ին:
Sportmedia.am-ը սպորտային մեդիա հարթակ է, որտեղ ներկայացվում են հայկական և միջազգային սպորտի ամենակարևոր և ամենաքննարկվող իրադարձությունները։ Մենք տրամադրում ենք արագ ու վստահելի լուրեր, վերլուծություններ, հարցազրույցներ և հեղինակային բովանդակություն՝ տարբեր մարզաձևերից։
Բոլոր իրավունքները պաշտպանված են։ Մեջբերումներ կատարելիս Sportmedia.am-ին ակտիվ հղումը պարտադիր է։
Կայքը պատասխանատվություն չի կրում գովազդային նյութերի բովանդակության համար։
Կայքը պատրաստված է orf.armenyan -ի կողմից։
