Նոան՝ Հայաստանի գավաթակիր (տեսանյութ)

Հայաստանի գավաթի խաղարկության եզրափակիչում «Նոան» մրցում էր «Արարատ-Արմենիայի» հետ ու հաղթեց 3։1 հաշվով։

Խաղի հաշիվը բացեց Հելդեր Ֆերեյրան՝ 42-րդ րոպեին։ 1-ին կեսի վերջին րոպեին Մարիուս Նուբիսսին վերականգնեց հաշվի հավասարությունը։ 59-րդ րոպեին Ֆերեյրան դուբլ գրանցեց՝ առաջ մղելով «Նոային»։ Խաղավարտից 2 րոպե առաջ Մաթեուս Այասը ամրապնդեց իր թիմի հաղթանակը։ Հիմնական ժամանակին ավելացրած 6-րդ րոպեին Խոսե Բուենոն ստացավ 2-րդ դեղինն ու հեռացվեց խաղադաշտից։

Այսպիսով, «Նոան» «ոսկե դուբլ» է գրանցում՝ հաղթելով, թե՛ առաջնությունում, թե՛ գավաթի խաղարկությունում։

Սա «Նոայի» 2-րդ հաղթանակն էր գավաթի խաղարկություններում։ 1-ինը 2019/20 մրցաշրջանում էր, որտեղ «Նոան» առավելության հասավ կրկին «Արարատ-Արմենիայի» նկատմամբ։