Ակումբն արժանի էր այս ամենին. Հելդեր Ֆերեյրան՝ Նոայի ոսկե դուբլի մասին

Հայաստանի գավաթի խաղարկության եզրափակիչում «Նոան» մրցել է «Արարատ-Արմենիայի» հետ ու 3։1 հաշվով հաղթանակ տարել՝ երկրորդ անգամ ճանաչվելով Հայաստանի գավաթակիր:

Եզրափակիչ խաղից հետո «Նոայի» կիսապաշտպան Հելդեր Ֆերեյրան, որը դուբլի հեղինակ էր դարձել, կիսվել է իր տպավորություններով:

«Բարդ խաղ էր: «Արարատ-Արմենիան» լավ թիմ է, լավ գաղափարներով: Բայց կարծում եմ՝ մեր թիմն էր, որ լավագույն խաղը ցույց տվեց դաշտում: Շատ լավ խաղացինք, հետևեցինք խաղային ծրագրին և կարծում եմ՝ գոլերն էլ թիմային աշխատանքի արդյունք էին, ոչ թե իմ կամ այլ խաղացողի: Այս ամենը շատ լավ է մեզ և ակումբի համար։ Ակումբն արժանի էր այս ամենին։ Մենք շատ պայքարեցինք այս տիտղոսների համար։ Կարծում եմ՝ ցույց տվեցինք, որ մենք ենք Հայաստանի լավագույն թիմը։ Մենք շատ արժանի էինք»,- ասել է Ֆերեյրան:

Հիշեցնենք՝  «Նոան» ժամանակից շուտ ապահովել է նաև Հայաստանի ընթացիկ առաջնության չեմպիոնությունը:

Տեսանյութը՝  «Նոայի» մամուլի քարտուղարության