Բասկետբոլի Հայաստանի Մ20 հավաքականը նոր գլխավոր մարզիչ ունի
2025 թվականի հուլիսի 11-20-ը Երևանում կայանալիք Եվրոպայի Մ20 առաջնության Բ դիվիզիոնում Հայաստանը հանդես կգա նոր մարզչական կազմով։ Այս մասին հայտնում է ՀԲՖ մամուլի քարտուղարությունը:
Հավաքականի գլխավոր մարզչի պաշտոնում նշանակվել է Փիթ Դոմինգեսը։ Նրա օգնականները կլինեն Կոնստանտինոս Պապավասիլեուն և Սևակ Քեթենջյանը։
Դոմինգեսը ներկայում աշխատում է NBA-ի «Միլուոկի Բաքսի» մարզչական շտաբում, իսկ Հայաստանի ազգային հավաքականի մարզչական շտաբում ընդգրկված է դեռևս 2022 թվականից։
Պապավասիլեուն ևս ընդգկված է ազգային հավաքականի մարզչական շտաբում, իսկ Քեթենջյանը փորձ է կուտակել Մ16 հավաքականի մարզչական շտաբում (2022-2023) և 2024 թվականին գլխավորել է Մ18 հավաքականը։
Մեր խաղերը՝
Հայաստան - Լատվիա՝ Հուլիսի 11, 20:00
Մոնտենեգրո - Հայաստան՝ Հուլիսի 12, 20:00
Հայաստան - Իռլանդիա՝ Հուլիսի 13, 20:00
Էստոնիա - Հայաստան՝ Հուլիսի 15, 20:00
Առաջնությունը կանցկացվի Կարեն Դեմիրճյանի անվան մարզահամերգային համալիրում:
