Անհամաչափ ուժ և բռնություն՝ խաղադաշտում հայտնված անչափահաս երկրպագուի նկատմամբ. FAF-ը տեսանյութ է հրապարակել
Հայաստանի ազգային հավաքականի երկրպագուների Առաջին հայկական ճակատ՝ FAF շարժման ֆեյսբուքյան էջում տեսանյութ է հրապարակվել Հայաստանի գավաթի խաղարկության եզրափակչի՝ «Նոա»- «Արարատ-Արմենիա» խաղից հետո տեղի ունեցած միջադեպի վերաբերյալ:
Մասնավորապես, խաղից հետո անչափահաս երկրպագուն ներխուժել է խաղադաշտ, իսկ FAF-ի տեղեկություններով ՀՖՖ անվտանգության պետն անհամաչափ ուժ և բռնություն է կիրառել նրա նկատմամբ՝ բռունցքով հարվածելով երեխայի դեմքին:
«Հատկանշական է, որ երեխան արդեն իսկ «բռնված» էր և դիմադրություն ցույց չէր տալիս։
Եթե վերոնշյալ անձն ու նրա ներկայացրած կազմակերպությանը խստագույնս և անհապաղ չպատժվեն, ՀՖՖ-ի կազմակերպած միջոցառումների ընթացքում կարգադրիչ ներկայացող այս անձիք երկրպագուների կողմից ստանալու են նույնատիպ անհամաչափ պատասխան»,- ասվում է FAF-ի տարածած հայտարարության մեջ։
