Հայաստանի ազգային հավաքականը նորեկ կունենա Արգենտինայի առաջնությունից

Արգենտինական «Բանֆիլդի» ֆուտբոլիստ Թոմաս Ադորյանը հրավիրվել է Հայաստանի ազգային հավաքական։ Այս մասին ակումբը տեղեկացրել է իր ինստագրամյան էջում։

Ադորյանը 23 տարեկան է՝ ծնվել է 2001 թվականի սեպտեմբերի 22-ին։ Խաղում է աջ կիսապաշտպանի դիրքում։ Այս տարի Արգենտինայի առաջնությունում մասնակցել է 11 հանդիպման՝ դառնալով 1 գոլի հեղինակ։ 

Հիշեցնենք, որ Հայաստանի հավաքականը հունիսի 6-ին ընկերական հանդիպում կանցկացնի Կոսովոյի, իսկ հունիսի 9-ին` Մոնտենեգրոյի դեմ։