Կրասնոդարին մեկ քայլ է բաժանում ՌՊԼ-ում չեմպիոն դառնալուց

Ռուսաստանի Պրեմիեր լիգայի 29-րդ տուրում «Օրենբուրգն» ընդունել էր «Կրասնոդարին»։ Հյուրերը կամային հաղթանակի հասան 2։1 հաշվով։

Կորդոբայի և Օլազայի գոլերի շնորհիվ «ցլերը» վաստակեցին հերթական 3 միավորը և շարունակում են գլխավորել մրցաշարային աղյուսակը՝ 64 միավորով։ «Կրասնոդարի» հիմնական մրցակից «Զենիթը» վաղը կմրցի «Ռոստովի» դեմ, որտեղ Սանկտ-Պետերբուրգը ներկայացնող թիմի պարտությունը վաղաժամ կապահովի Էդուարդ Սպերցյանի ու թիմակիցների չեմպիոնությունը։

Վերջին՝ 30-րդ տուրում, «Կրասնոդարի» մրցակիցը Մոսկվայի «Դինամոն» է։