Հայտնի է Հայաստանի հավաքական հրավիրված հերթական նորեկի անունը

Տուլայի Արսենալի կիսապաշտպան Տիգրան Ավանեսյանը հրավեր է ստացել Հայաստանի ազգային հավաքականից։ Այս մասին տեղեկացնում է ռուսական ակումբի մամուլի ծառայությունը։

«Արսենալի» կիսապաշտպան Տիգրան Ավանեսյանը հրավիրվել է Հայաստանի ազգային հավաքականի Կոսովոյի ու Մոնտենեգրոյի հետ ընկերական խաղերին պատրաստվելու համար։ Այդ հանդիպումները կկայանան հունիսի 6-ին ու 9-ին։ Ավանեսյանը կդառնա Տուլան ներկայացնող ակումբի առաջին ֆուտբոլիստը, որը կխաղա Հայաստանի ազգային հավաքականում», - պաշտոնական հայտարարությունով հանդես է եկել ակումբը։

Նշենք, որ «Արսենալը» հանդես է գալիս Ռուսաստանի 1-ին լիգայում (ուժեղությամբ 2-րդը՝ Պրեմիեր լիգայից հետո) ու նախավերջին՝ 33-րդ տուրից հետո 40 միավորով 10-րդն է։

Ավանեսյանն այս մրցաշրջանում մասնակցել է 25 հանդիպման (նաև նախորդ թիմի՝ «Բալթիկայի» կազմում), բայց արդյունավետ գործողությամբ աչքի չի ընկել։