Աղյուր. Տիկնիզյանն, ամենայն հավանականությամբ, չի լքի ՌՊԼ-ն

Մոսկվայի «Լոկոմոտիվի» և Հայաստանի հավաքականի պաշտպան Նաիր Տիկնիզյանը, ամենայն հավանականությամբ, չի լքի Ռուսաստանի Պրեմիեր լիգան, այլ կշարունակի կարիերան ռուսական մեկ այլ ակումբում։ Այս մասին X սոցիալական ցանցում հայտնել է լրագրող Հրաչ Խաչատրյանը։

«Տիկնիզյանի համար մրցաշրջանն ավարտվել է, ինչպես նաև նրա կարիերան «Լոկոմոտիվում»:  Հայ ֆուտբոլիստը այս ամռանը կհեռանա մոսկովյան ակումբից։

Նա, հավանաբար, կմնա Ռուսաստանում, քանի որ ներկայում արտասահմանից որևէ կոնկրետ առաջարկ չկա»,- գրել է Խաչատրյանը:

Հիշեցնենք, որ ՌՊԼ-ի 29-րդ տուրի ԲԿՄԱ-ի հետ խաղից հետո ֆուտբոլիստն ասել էր, որ իրեն վտարված է զգում և կխնդրի ազատ արձակվել «Լոկոմոտիվից»։

Ավելի վաղ հաղորդվում էր, որ Տիկնիզյանը կհեռացվի թիմի մարզումներից:

Նաիր Տիկնիզյանը ԲԿՄԱ-ի դեմ խաղի համար ընդգրկված էր «երկաթուղայինների» հայտացուցակում, սակայն ամբողջ խաղն անցկացրել է պահեստայինների նստարանին։ 2025 թվականին միակ դեպքը, երբ Հայաստանի հավաքականի խաղացողը ՌՊԼ խաղում խաղացել է 90 րոպե, մարտի 7-ին էր՝ «Ախմատի» դեմ 20-րդ տուրի խաղում (1:1):

ՌՊԼ-ի 29 տուրից հետո «Լոկոմոտիվը» մրցաշարային աղյուսակում զբաղեցնում է վեցերորդ տեղը։