Արտյոմ Ձյուբայի և Ուրարտուի ֆուտբոլիստի միջև կոնֆլիկտ է տեղի ունեցել. Գունկոն մեկնաբանել է

«Ուրարտուի» գլխավոր մարզիչ Դմիտրի Գունկոն խոսել է ռուսական «Ակրոնի» հետ ընկերական խաղում երկու թիմերի խաղացողներ Արտյոմ Ձյուբայի և Էրիկ Սիմոնյանի միջև տեղի ունեցած միջադեպի մասին:

Հանդիպումը կայացել է հունվարի 29-ին, իսկ «Ակրոնը» 2:0 հաշվով հաղթանակ է տարել:

«Խաղից հետո Արտյոմն ու Էրիկը սեղմեցին միմյանց ձեռքը, ծիծաղեցին: Նրանք լուծեցին բոլոր հարցերը: Վեճերը խաղայի դրվագի մաս են կազմում: Մեկը մի բան է ասում, մյուսը պատասխանում է. էմոցիաներ են: Դա ոչ մի սարսափելի բանի չվերածվեց: Ամեն ինչ ավարտվեց»,- ասել է Գունկոն «Чемпионат.com»-ին տված հարցազրույցում:

Հիշեցնենք՝ հանդիպումը կայացել է Արաբական Միացյալ Էմիրություններում ընթացող ուսումնամարզական հավաքի շրջանակում: