Նա ցանկացավ փոխել միջավայրը. Ուրարտուի գլխավոր մարզիչը Իգնատևի՝ Ալժիր տեղափոխության մասին

«Ուրարտու» ֆուտբոլային ակումբը և ալժիրյան «ԺՍ Կաբիլիա» ֆուտբոլային ակումբը պայմանավորվել են հարձակվող Իվան Իգնատևի տրանսֆերի շուրջ։

«Ուրարտուի» գլխավոր մարզիչ Դմիտրի Գունկոն «Championat»-ի հետ զրույցում մեկնաբանել է այս որոշումը:

«Թիմից հեռանալը խաղացողի ընտրությունն է, բայց այն, իհարկե, համաձայնեցված է ակումբի հետ։ Իգնատևի հետ կապված մի քանի առաջարկներ ենք ունեցել։ Պայմանավորվածություն կար, որ ակումբը չի միջամտի, եթե ստանա այնպիսի առաջարկ լինի, որը կհամապատասխանի թե՛ Իվանին, թե՛ մեզ։ Իվանը որոշեց փոխել իր միջավայրը և նոր մարտահրավեր ընդունել»,- ասել է Գունկոն:

Հիշեցնենք՝ Իգնատևը երևանյան ակումբին է միացել 2024 թվականի հունիսին։ 2024/25 մրցաշրջանում նա «Ուրարտուի» կազմում մասնակցել է 19 պաշտոնական հանդիպման և դարձել 13 գոլի հեղինակ։