Մեկ անգամ չէ, որ տեսել եմ ամուսնուս արցունքները. Նաիր Թիկնիզյանի կինը՝ Լոկոմոտիվում ֆուբոլիստի իրավիճակի մասին
«Լոկոմոտիվի» և Հայաստանի ազգային հավաքականի պաշտպան Նաիր Թիկնիզյանի կինը՝ Յանա Ռոմաշկինան, խոսել է մոսկովյան ակումբում հայ ֆուտբոլիստի շուրջ ստեղծված իրավիճակի մասին:
«Վերջին մեկ տարվա ընթացքում ես մեկ անգամ չէ, որ տեսել եմ ամուսնուս արցունքներն՝ ակումբում նրա իրավիճակի պատճառով։ Թիմում նրա անկայուն դիրքի պատճառով։ Նա շատ անհանգստացած է։
Նաիրը գրեթե երբեք տանը չի լինում, քանի որ անընդհատ մարզվում է։ Ասում է, որ պետք է կատարելագործվի՝ ավելի շատ խաղաժամանակ ստանալու համար։ Նա սիրում է ֆուտբոլը:
«Զենիթ» չտեղափոխվելու հիմնական գործոններից մեկը Միխայիլ Միխայլովիչ Գալակտյոնովն է։
Այդ ժամանակ Նաիրը թիմի առաջատարն էր և ասում էր, որ չի ուզում հեռանալ այս մարզչից, որ Գալակտիոնովի հետ ուզում է հասնել չեմպիոնության: Սակայն ամեն ինչ փոխվեց, երբ Նաիրը վնասվածք ստացավ «Բալտիկայի» հետ խաղում:
Չգիտեմ, թե երեկվա հարցազրույցն ինչպես կազդի ակումբում նրա դիրքի վրա, բայց Նաիրն ունի որակներ, որը ոչ ոք չի կարող խլել նրանից՝ աշխատասիրություն և սեր աշխատանքի հանդեպ։
Ես միշտ կաջակցեմ նրան»,- Match TV-ի հետ զրույցում ասել է Ռոմաշկինան:
